«Алга, йолдызларга!» танып белү-иҗади сәгате (0+)

12 апрель көнне бөтен дөнья Авиация һәм космонавтика көнен билгеләп үтә. Бу көнне 16 нчы санлы китапханә хезмәткәрләре тарафыннан балалар бакчасында тәрбияләнүчеләр өчен «Алга, йолдызларга!» дигән танып белү-иҗади сәгате уздырылды. 

Балалар әлеге бәйрәм датасының совет космонавты Юрий Алексеевич Гагарин 1961 елның 12 апрелендә «Восток-1» космик корабында космоска беренче очыш ясаган көн хөрмәтенә гамәлгә куелуы, беренче космонавт хатын-кыз Валентина Терешкова турында белде, аның космоска очышы кинохроникасыннан өзекләр карады. Нәни кунакларыбыз «Йолдызларга юл» күргәзмәсендә тәкъдим ителгән космос, йолдыз һәм планеталар турында китаплар белән танышты. 
Чара азагында балалар «Тылсымчы бул» түгәрәге кысаларында бик теләп космик очу аппараты – галактикаара ракета ясады. Чара файдалы, күңелле һәм кызыклы узды!

#Поехали! #Мечтыокосмосе #ДеньКосмонавтики